Güclü külək paytaxtda bir sıra fəsadlara yol açıb

Güclü külək paytaxtın müxtəlif ərazilərində müəyyən problemlər yaradıb.

InterPress.ge xəbər verir ki, bir neçə ünvanda ağaclar aşıb, ağac budaqları qırılıb, şəhərdə müxtəlif infrastrukturlara və Yeni il bəzəklərinə ziyan dəyib.

Ağaclar bir neçə avtomobilin üzərinə aşıb və onlara ziyan vurub. Xüsusilə Qldani rayonunda güclü külək problemlər yaradıb.

Fövqəladə Halların İdarə Edilməsi Xidmətinin nümayəndələri ilə birlikdə Tbilisi meriyasının bütün müvafiq xidmətləri və rayon əməkdaşları səhər saatlarından səfərbər olunub və hadisə yerindədir. Dəymiş ziyanın aradan qaldırılması və müvafiq tədbirlərin görülməsi məqsədilə fövqəladə rejimdə işləyirlər.