Hava xəbərdarlığı - Güclü külək və fırtına gözlənilir

Dekabrın 28-də Gürcüstanda güclü külək, yüksək dağlıq rayonlarda güclü qar, çovğun, qar uçqunu təhlükəsi gözlənilir. Dənizdə 4-5 bal gücündə fırtına ola bilər.

InterPress.ge xəbər verir ki, bu barədə Milli Ətraf Mühit Agentliyi məlumat verib.

Güclü qar yağması, görüntünün zəifləməsi, çovğun və uçqun təhlükəsi ilə əlaqədar magistralların müəyyən hissələrində avtomobillərin hərəkətinin məhdudlaşdırılması mümkündür.

Qərbi Gürcüstanda gözlənilən güclü yağışlar çaylarda suyun səviyyəsinin əhəmiyyətli dərəcədə artmasına, dağlıq ərazilərdə sürüşmələrin baş verməsinə və aktivləşməsinə səbəb ola bilər.