Axalçixedə Mühafizə Polis İdarəsinin əməkdaşı zorakılıq ittihamı ilə saxlanılıb
Xüsusi İstintaq Xidmətinin əməkdaşları məhkəmənin hökmü əsasında zorakılıq ittihamı ilə Daxili İşlər Nazirliyinin Axalçixe Mühafizə Polis İdarəsinin inspektorunu saxlayıblar.
InterPress.ge xəbər verir ki,bu barədə Xüsusi İstintaq xidməti məlumat yayıb.
“Aparılan araşdırmalar nəticəsində hüquq-mühafizə orqanı əməkdaşının bu ilin noyabr ayında törətdiyi 3 zorakılıq əməli ifşa edilib.
İstintaq müəyyən edib ki, 2023-cü il noyabrın 17-də Axalçixedə, Kostava küçəsində qarşılıqlı mübahisə zəminində mühafizə polisinin inspektoru H.S. vətəndaş M.M-ə fiziki təzyiq göstərib.
2023-cü il noyabrın 19-da hüquq-mühafizə orqanının əməkdaşı qarşılıqlı mübahisə zəminində zərərçəkmişin oğluna və onun dostuna Axalçixe rayonunda yaşadığı evin yaxınlığında fiziki təzyiq göstərib.
27 noyabr 2023-cü il tarixdə Axaltsix rayonunda mühafizə polisinin inspektoru zərərçəkmiş M.M.-lə yenidən görüşüb və onu dəfələrlə döyüb, üzünə bir neçə dəfə xəsarətlər yetirib və boğaz nahiyəsindən boğmağa çalışıb.
Xüsusi İstintaq Xidməti zərərçəkmiş vətəndaşın şikayəti əsasında cinayətin videokamera qeydlərini tələb edib; O, məhkəmə-tibbi ekspertizası təyin edib, rəyə əsasən, zərərçəkmişlərdən birinin bədənində əzilmiş-deşilmiş xəsarətlər və kəsiklər olub. Həmçinin, hüquq-mühafizə orqanı əməkdaşının cinayətini ifşa edən digər sübutlar da əldə edilib və bunun əsasında müfəttiş zorakılıq ittihamı ilə saxlanılıb”, - deyə rəsmi məlumatda bildirilir.
Qeyd olunan cinayət 2 ilə qədər azadlıqdan məhrumetmə ilə cəzalandırılır.
