Tbilisidə Yeni il tədbirlərinə hazırlıq işləri zamanı Rustaveli prospekti və ətraf küçələri müvəqqəti olaraq bağlanacaq

Dekabrın 14-ü saat 09:00-dan dekabrın 16-sı gecə saat 02:00-dək Rustaveli prospektində, Parlament binasının qarşısından ictimai nəqliyyat üçün nəzərdə tutulan hər iki hərəkət zolağı bağlanacaq.

InterPress.ge xəbər verir ki, bu barəsə Tbilisi meriası məlumat yayıb.

Meriyanın  məlumatına görə, Lesia Ukrainka və Arçil Jorjadze küçələrində də nəqliyyatın hərəkəti məhdudlaşdırılacaq və parklanma zonası sərbəst olacaq.

Qeyd olunan dövrdə Rustaveli prospektindən, Şevçenko və Zubalaşvili küçələri istiqamətində hərəkət edən avtomobillər Lesia Ukrainka küçəsi əvəzinə Çiçinadze küçəsi ilə hərəkət edə biləcək; Qeyd olunan küçələrdən Rustaveli küçəsi istiqamətində avtomobillər 9 Aprel küçəsindən istifadə etməklə hərəkət edə biləcək; Tabukaşvili küçəsindən, Jorjadze küçəsinin əvəzinə Chanturia küçəsindən istifadə edərək hərəkət edəcək.

Dekabrın 15-i saat 10:00-dan 16 dekabr saat 01:00-dək Rustaveli prospektinin yaxınlığında (Rustaveli prospekti, Zakariya Çiçinadze, 9 aprel, Anton Furtseladze) nəqliyyatın hərəkəti tam məhdudlaşdırılacaq və parkinq zonası sərbəst buraxılacaq. (Lesia Ukrainka və Arçil Jorjadze küçələri).

Azadlıq meydanından gələn avtomobillərin hərəkəti  isə yalnız Rustaveli prospekti istiqamətində məhdudlaşdırılacaq.