Qudauri-Kobi yolunda yüngül avtomobillərin hərəkəti bərpa edildi

Təmizləmə işləri nəticəsində beynəlxalq əhəmiyyətli Mtsxeta-Stepantsminda-Larsi avtomobil yolunun Qudauri (Posta)-Kobi hissəsində yüngül avtomobillərin hərəkəti bərpa edilib, qar səbəbindən qoşqulu və yarımqoşqulu nəqliyyat vasitələrinin hərəkəti isə hələ də qadağandır.

InterPress.ge xəbər verir ki, məlumatı Gürcüstan Regional İnkişaf və İnfrastruktur Nazirliyinin Avtomobil Yolları Departamenti yayıb.

Milli Ətraf Mühit Agentliyinin məlumatına görə, Qudauri-Kobi hissəsində nəqliyyatın hərəkəti dayanmadan, yalnız uçqun tunelləri vasitəsilə həyata keçiriləcək.

Qeyd olunan rejimdə hərəkət patrul polisinin bilavasitə nəzarəti və koordinasiyası ilə həyata keçiriləcək.