Polşada 3 Gürcüstan vətəndaşı saxlanılıb.
InterPress.ge xəbər verir ki, məlumatı yerli media yayıb.
Onların verdiyi məlumata görə, hüquq-mühafizə orqanlarının əməkdaşları gecə saatlarında küçədə patrul xidməti həyata keçirən zaman 3 nəfərin dayanacaqda dayanmış avtomobillərə baxdığını görüblər.
Bu zaman gürcülər maşınlardan birinin şüşəsini sındırıblar, daha sonra öz maşınlarına minərək qaçıblar.
Hüquq-mühafizə orqanları gürcüləri təqib edərək tutublar. Baxış zamanı onların avtomobilindən bir neçə açar, qızıl-zinət əşyaları və digər əşyalar götürülüb.
Saxlanılan gürcülər oğurluqda təqsirli bilinərək 3 ay müddətinə azadlıqdan məhrum ediliblər.
