Qudauri (post)-Kobi yolunda qoşqu və yarımqoşquların hərəkəti qadağan edilib

Qar və aşağı temperaturla əlaqədar Beynəlxalq əhəmiyyətli Mtsxeta-Stephantsminda-Lars avtomobil yolunun Qudauri (post)-Kobi hissəsində qoşqulu və yarımqoşqulu avtonəqliyyat vasitələrinin hərəkəti qadağan edilib, digər növ avtonəqliyyat vasitələrinin hərəkəti isə sərbəstdir.

InterPress.ge xəbər verir ki, bu barədə Gürcüstanın Regional İnkişaf və İnfrastruktur Nazirliyinin Yollar Departamenti məlumat yayıb.

Milli Ətraf Mühit Agentliyindən verilən məlumata görə, Qudauri (post)-Kobi hissəsində nəqliyyatın hərəkəti dayanmadan, yalnız uçqundan mühafizə tunelləri vasitəsilə həyata keçiriləcək. Avtomobil Yolları İdarəsinin məlumatına görə isə , sözügedən rejimdə nəqliyyatın hərəkəti bilavasitə patrul polisinin nəzarəti və koordinasiyası ilə həyata keçiriləcək.