Prokurorluq 20 yaşlı gəncin ölümü ilə bağlı Respublika Xəstəxanasının terapevtik şöbəsinin müdirinə qarşı ittiham irəli sürüb

Gürcüstan Prokurorluğu xəstənin səhhətinin pisləşməsinə səbəb olan və  xəstəni düzgün müalicə etmədiyinə görə Akademik Nikoloz Kipşidze adına Mərkəzi Universitet Klinikasının terapevtik şöbəsinin müdiri Ketevan Tsertsvadzeyə qarşı ittiham irəli sürüb.

InterPress.ge xəbər verir ki, bu barədə Prokurorluğun məlumatında bildirilir.

 Prokurorluq həkimi Cinayət Məcəlləsinin 220-ci maddəsinin 2-ci hissəsi (laqeydlik, yəni idarəetmə, nümayəndə və ya digər xüsusi səlahiyyətə malik şəxs tərəfindən öz xidməti vəzifələrini icra etməmə) ilə ittiham edib.

"Aparılmış araşdırma ilə müəyyən edilib ki, yeni növ koronavirus (SARS-CoV-2) infeksiyası (COVID-19) diaqnozu qoyulmuş zərərçəkmiş 11 avqust 2021-ci il tarixində Akademik Nikoloz Kipşidze adına Mərkəzi Universitet Klinikasına yerləşdirilib və bundan sonra tibb işçilərinin nəzarəti altında müalicə olunub. Məlumatı və bilavasitə iştirakı ilə müalicə prosesi gedən adıçəkilən klinikanın terapevtik şöbəsinin müdiri xəstənin klinik vəziyyətinin idarə olunması üçün müvafiq protokolu nəzərə almamış və xəstəyə tibbi müayinə, zəruri tədqiqat aparmadan tibbi müalicə təyin etmişdir. 
Protokol pozuntuları fonunda aparılan müalicə xəstənin səhhətinin pisləşməsinə səbəb olub, bu səbəbdən o, reanimasiya şöbəsinə yerləşdirilib və sonradan orada dünyasını dəyişib.
Daxili İşlər Nazirliyində cinayət işinin istintaqı davam etdirilir”, - məlumatda deyilir.