Azərbaycan Respublikası müdafiə nazirinin müavinləri Gürcüstanda rəsmi səfərdədir

Azərbaycan Respublikası müdafiə nazirinin müavinləri Gürcüstanda rəsmi səfərdədir.

InterPress.ge xəbər verir ki, bu barədə Müdafiə Nazirliyi məlumat yayıb.

Onların verdiyi məlumata görə, nazir müavini, Hərbi Hava Qüvvələri komandanı general-leytenant Ramiz Tahirov və Aqil Qurbanovu müdafiə nazirinin müavini Qiorqi Xaindrava və Müdafiə Qoşunları komandanının müavini, general-mayor Zaza Çxaidze qəbul ediblər.

“Baş Qərargahda keçirilən görüşdə tərəflər müdafiə sahəsində sıx tərəfdaşlıq məsələlərini və gələcək planları müzakirə ediblər. Görüşün əsas mövzularından biri ikitərəfli və üçtərəfli formatlarda davam edən əməkdaşlıq olub.

Hər iki ölkənin müdafiə qurumlarının rəhbərləri müxtəlif istiqamətlərdə, o cümlədən hərbi sənaye və hava hücumundan müdafiə sahəsində əməkdaşlığı gücləndirmək arzusunda olduqlarını bildiriblər.

İki günlük səfər çərçivəsində Azərbaycan müdafiə nazirinin müavinləri Gürcüstanın birliyi uğrunda döyüşlərdə həlak olmuş qəhrəmanların abidəsi önünə əklil qoyublar və xatirəsini ehtiramla yad ediblər.

Qonaqlar “Delta” Dövlət Hərbi Elmi Mərkəzində də olub, buradakı məhsullar və istehsal imkanları ilə yerindəcə tanış olublar”, - məlumatda deyilir.