Qudauri-Kobi yolunda yüngül avtomobillərin hərəkəti bərpa edildi

Təmizlik işləri nəticəsində beynəlxalq əhəmiyyətli Mtsxeta-Stephantsminda-Larsi avtomobil yolunun Qudauri -Kobi hissəsində yüngül avtomobillərin hərəkəti bərpa olunub, qar səbəbindən qoşqulu və yarımqoşqulu avtomobillərin hərəkəti isə hələ də qadağandır.

InterPress.ge xəbər verir ki, bu barədə məlumatı Avtomobil Yolları Departamenti yayıb.

Məlumata görə, Qudauri-Kobi hissəsində nəqliyyatın hərəkəti dayanmadan, yalnız uçqun tunelləri vasitəsilə həyata keçiriləcək.

Qeyd olunan yollarda nəqliyyatın hərəkəti patrul polisinin bilavasitə nəzarəti və koordinasiyası ilə həyata keçiriləcək.