Tbilisidə azyaşlının ölümü ilə bağlı yük maşınının sürücüsü saxlanılıb

DİN yük maşınının vurması nəticəsində 15 yaşlı yeniyetmənin ölümü ilə bağlı yük maşınının sürücüsünü saxlayıb.

InterPress. ge xəbər verir ki, bu barədə Daxili İşlər Nazirliyindən məlumat verilib.

Nazirliyin məlumatına görə, faktla bağlı Cinayət Məcəlləsinin 276-cı (yol hərəkəti təhlükəsizliyi və ya istismar qaydalarını pozma) maddəsi ilə araşdırma başlayıb.

Xatırladırıq ki, Tbilisinin Qorqasali və Kalandadze küçələrinin kəsişməsində 15 yaşlı yeniyetməni yük maşını vurub. Nəticədə azyaşlı yerindəcə dünyasını dəyişib.