Kommersiya rüşvətxorluğu üzrə tibb müəssisəsinin 2 əməkdaşı saxlanılıb

Gürcüstan Maliyyə Nazirliyinin İstintaq Xidməti əməkdaşlarının Kaxeti bölgə prokurorluğu ilə razılaşdıraraq həyata keçirdikləri əməliyyat-istintaq tədbirləri nəticəsində kommersiya rüşvətxorluğu üzrə iki nəfər barəsində cinayət təqibi başlanıb.

InterPress.ge xəbər verir ki, məlumatı Maliyyə Nazirliyinin İstintaq Xidməti yayıb.

Qurumdan verilən məlumata görə, istintaq müəyyən edib ki, Kaxeti bölgəsində yerləşən özəl tibb müəssisələrindən birində çalışan şəxslər müvafiq tibbi müayinə və laboratoriya tədqiqatları aparılmadan, pul müqabilində maraqlı şəxslərə psixotrop preparatların alınması üçün reseptlər veriblər.