800-dən çox xarici ölkə vətəndaşı Qəzza zolağından Rəfah sərhəd keçid məntəqəsi vasitəsilə Misirə keçib

Bazar günü 800-dən çox xarici ölkə vətəndaşı Qəzza zolağından Rəfah sərhəd keçid məntəqəsi vasitəsilə Misirə keçib.

InterPress.ge xəbər verir ki, bu barədə CNN yazıb.

Bu, 300-dən çox insanın Rəfah vasitəsilə Qəzzanı tərk etdiyi cümə axşamından bəri xarici vətəndaşların ilk təxliyyəsidir.

Məlumat üçün bildirək ki, Rəfah sərhəd keçid məntəqəsi Qəzza ilə Misir arasında yeganə sərhəd keçid məntəqəsidir. Rafah anklava yardımın çatdırılmasında və insanların ərazidən çıxarılmasında həlledici rol oynayıb.