Bolnisidə uşaq bağçasında 15 uşaq qidadan zəhərlənib

Milli Qida Agentliyi Bolnisidə uşaqların zəhərlənməsi ilə bağlı araşdırma aparır.

InterPress.ge xəbər verir ki, məlumatı Milli Qida Agentliyi yayıb

Bəyanatda qeyd edilib ki, Milli Qida Agentliyinin Kvemo Kartli regional bölməsinin təftiş qrupu Bolnisi Bələdiyyəsinin N6 saylı uşaq bağçasında plandankənar yoxlama aparır.

"Yoxlama 15 uşağın qidadan zəhərləndiyi iddiası ilə bağlı Xəstəliklərə Nəzarət və İctimai Sağlamlıq Milli Mərkəzindən daxil olan məlumat əsasında aparılır.

Yoxlama prosesində qida/xammaldan laboratoriya tədqiqatı üçün nümunələr götürülür. Yoxlama və laboratoriya tədqiqatlarının nəticələri barədə ictimaiyyətə əlavə məlumat veriləcək”, - deyə Milli Qida Agentliyindən bildirilib.