Reuters: ”Vladimir Putin 2024-cü ildə keçiriləcək prezident seçkilərində iştirak etmək qərarına gəlib”

"Vladimir Putin 2024-cü ildən sonra da hakimiyyətdə qalacaq".

InterPress.ge xəbər verir ki, bu barədə "Reuters"  anonim mənbəyə istinadən xəbər verir.

“Reuters”in məlumatına görə, Vladimir Putin gələn ilin martında keçiriləcək prezident seçkilərində iştirak etmək qərarına gəlib.

2024-cü ildə Rusiyada keçiriləcək prezident seçkilərində iştirak etsə, Putin 2030-cu ilə qədər hakimiyyətdə qala biləcək.
1999-cu ilin son günündə Boris Yeltsin tərəfindən prezidentliyə təhvil verilən Putin, İosif Stalin dövründən bəri bütün Rusiya liderlərindən daha çox Rusiyanı idarə edir.

Məlumat üçün bildirək ki, Putinin bu il oktyabrın 7-də 71 yaşı tamam olub.