Prokurorluq 13 yaşlı qızı evlənmək məqsədilə qaçıran şəxsi ittiham edib

13 yaşlı qızı evlənmək məqsədilə qaçıraraq evinə gətirən 22 yaşlı şəxsə qarşı ittiham irəli sürülüb.

InterPress.ge nin məlumatına görə, hüquq-mühafizə orqanlarının əməkdaşları təqsirləndirilən şəxsi noyabrın 5-də saxlayıblar.

“Daxili İşlər Nazirliyində aparılan istintaq tədbirləri ilə müəyyən edilib ki, təqsirləndirilən şəxs noyabrın 4-də 13 yaşlı qızı evlənmək məqsədilə evinə gətirib və onunla cinsi əlaqədə olub.

O, Gürcüstan Cinayət Məcəlləsinin 140-cı maddəsinin birinci hissəsi (böyük şəxsin on altı yaşına çatmamış şəxslə vaxtından əvvəl cinsi əlaqədə olması) ilə ittiham olunub.

“Prokurorluq təqsirləndirilən şəxsin barəsində seçilmiş həbs-qətimkan tədbirinin müddətinin uzadılması barədə vəsatətlə qanunla müəyyən edilmiş müddətdə məhkəməyə müraciət edəcək”, - məlumatda bildirilir.