DİN uşaq evində azyaşlılara qarşı zorakılıq faktı ilə bağlı araşdırmalara başladı

Daxili İşlər Nazirliyi Qoridəki uşaq evində azyaşlılara qarşı zorakılıq faktı ilə bağlı araşdırmalara başlayıb.

InterPress.ge xəbər verir ki, məlumatı Daxili İşlər Nazirliyinin mətbuat xidməti təsdiqləyib.

Məlumata görə, faktla bağlı Cinayət Məcəlləsinin 126-cı (zorakılıq) maddəsi ilə araşdırma aparılır.

 Məlumat üçün bildirək ki, “TV Monitorinq”in məlumatına görə, Qoridəki ailə tipli uşaq evlərindən birində zorakılıq baş verib. Benefisiarlar müəssisənin əməkdaşlarını fiziki və şifahi təhqirdə, eləcə də alçaldıcı rəftarda ittiham edirlər.