2023-cü ilin III rübündə yol-nəqliyyat hadisələri nəticəsində 121 nəfər ölüb

2023-cü ilin III rübündə Gürcüstanda 1496 yol-nəqliyyat hadisəsi baş verib, nəticədə 121 nəfər ölüb, 2027 nəfər xəsarət alıb.

InterPress.ge xəbər verir ki, bu, Daxili İşlər Nazirliyinin statistik məlumatlarında öz əksini tapıb.

Statistikaya görə, yol-nəqliyyat hadisələrinin sayına görə Tbilisi birinci (659 yol-nəqliyyat hadisəsi), İmereti, Raça-Leçxumi və Kvemo Svaneti (183 qəza) isə ikinci yeri tutur.

Digər bölgələrə gəlincə, statistika belədir: Acarıstan - 168 yol qəzası, Sameqrelo-Zemo Svaneti - 67, Şida Kartli - 97, Kvemo Kartli - 120, Kaxeti - 85, Samtsxe-Cavaxeti - 31, Mtsxeta - 51, Quria 35.

Yol-nəqliyyat hadisələrinin növlərinə gəlincə, Patrul Polis İdarəsinin əməliyyat ərazisində ən çox yol-nəqliyyat hadisələri, 497 hadisə hərəkətdə olan nəqliyyat vasitələrinin iştirakı ilə baş verib, 397 hal isə piyadaların vurulması ilə bağlıdır.

Bundan başqa, eyni dövrdə motosiklet sürücülərinin iştirakı ilə 203 yol-nəqliyyat hadisəsi qeydə alınıb.