Özbəkistanda ictimai yerlərdə üzünü bağlayan vətəndaşlar cərimələnəcək

Noyabrın 1-dən Özbəkistanda üzünü bağlayan vətəndaşlar cərimələnəcək.

InterPress.ge xəbər verir ki, məlumatı ölkənin Ədliyyə Nazirliyi yayıb.

“İctimaiyyətin toplaşdığı yerlərdə şəxsin şəxsiyyətini müəyyən etməyə imkan verməyən üzü örtmə cərimə ilə cəzalandırılır” - nazirliyin açıqlamasında deyilir.

"Cərimənin məbləği 3,3-4,95 milyon özbək sumudur ki, bu da 270-400 ABŞ dollarına bərabərdir.

Yeni qanun üz örtüyü tələb olunan peşəkar geyimlərə şamil edilmir.

İki və ya daha çox şəxslə  vətəndaş nikahında olan şəxs üçün də cərimə və ya 15 sutkalıq həbs təhlükəsi var"- məlumatda bildirilib.