İsrail Qırmızı dənizə raket gəmiləri göndərib

İsrail Qırmızı dənizə raket gəmiləri göndərib.

InterPress.ge xəbər verir ki, bu barədə İsrail Müdafiə Qüvvələri məlumat yayıb.

İsrail Müdafiə Qüvvələrinin məlumatına görə, Yəmənli “Husi” qruplaşmasının həyata keçirdiyi bir neçə hücumdan sonra İsrail Hərbi Dəniz Qüvvələrinə məxsus raket gəmiləri ilə Qırmızı dəniz ərazisini gücləndirib. 

"Gəmilər vəziyyətin qiymətləndirilməsi əsasında Qırmızı dənizdə yerləşdirilib”, - İsrail Müdafiə Qüvvələri bildirib.

Xatırladaq ki, dünən İsrail Yəməndən atılan raketi və iki pilotsuz uçuş aparatını vurub, bu gün səhər isə daha bir hava hədəfini məhv edib.