Poniçalada qoşqu iki nəfəri vurub

Rustavi-Tbilisi yüksək sürətli avtomobil yolunun Poniçala hissəsində baş verən yol-nəqliyyat hadisəsi itki ilə başa çatıb.

InterPress.ge xəbər verir ki, qoşqu iki piyadanı vurub.

Fövqəladə Halların Koordinasiyası və Təcili Yardım Mərkəzinin məlumatına görə, qəza nəticəsində bir piyada hadisə yerində ölüb, digəri isə yaralanıb və təcili tibbi yardım briqadası tərəfindən Geo Hospitals-a aparılıb.

Qəza səbəbindən yolun bu hissəsində 1 saat tıxac yaranıb.

Hadisə yerinə hüquq-mühafizə orqanlarının əməkdaşları səfərbər edilib.