İsrail Müdafiə Qüvvələri: “Qəzza zolağında quru əməliyyatlarını tədricən genişləndiririk“

"Biz quru əməliyyatlarını tədricən genişləndiririk və Qəzza zolağında qüvvələrimizin sayını artırırıq"

InterPress.ge xəbər verir ki, bunu İsrail Müdafiə Qüvvələrinin sözçüsü Daniel Həqari bildirib.

“Gecə ərzində biz İsrail Müdafiə Qüvvələrinin Qəzza zolağına daxil olmasını artırdıq və onlar artıq orada döyüşən qüvvələrə qoşuldular”, - deyə İDF sözçüsü bildirib.

Onun sözlərinə görə, quru əməliyyatı İsrail qüvvələri üçün risklər daşıyır.

“Quru əməliyyatı çətindir və qüvvələrimiz üçün də risklər daşıyır. Biz hər şeyi edəcəyik - havadan, dənizdən və qurudan - qüvvələrimizin təhlükəsizliyini təmin etmək və müharibənin məqsədlərinə çatmaq üçün”, - Daniel Həcəri bildirib.