İsrail Müdafiə Qüvvələri bu gecə quru əməliyyatlarını genişləndirəcəyini bildirib

"Bu axşam quru əməliyyatları genişləndirəcəyik".

InterPress.ge xəbər verir ki, bu barədə İsrail Müdafiə Qüvvələrinin sözçüsü Daniel Həcəri bildirib.

İsrailin quru əməliyyatının genişlənməsi fonunda Həcəri Qəzza zolağının sakinlərini də cənub hissəsinə köçməyə çağırıb.

“[İsrail] Hərbi Hava Qüvvələri yeraltı hədəfləri çox əhəmiyyətli dərəcədə vurur... Biz bütün arenalarda müdafiəyə hazırıq. Biz İsrail dövlətinin təhlükəsizlik maraqlarını qorumaq üçün hərəkət edirik”, - Həcəri bildirib.

Bundan əlavə, o qeyd edib ki, son iki gündə İsrail Müdafiə Qüvvələrinin piyada və tankları Qəzza zolağında məhdud reydlər həyata keçirir.

Həcəri həmçinin bildirib ki, İsrail Qəzza zolağının şimalında Qəzza şəhəri və ətraf əraziləri bombalamağa davam edəcək.