İrakli Qaribaşvili “Tbilisi İpək Yolu Forumu”nda iştirak edən nümayəndə heyətlərinin rəhbərlərini şam yeməyində qəbul edib

Gürcüstanın baş naziri İrakli Qaribaşvili “Tbilisi İpək Yolu Forumu”nda iştirak edən nümayəndə heyətlərinin rəhbərlərini onların şərəfinə təşkil olunmuş qala-ziyafətdə qəbul edib.

InterPress.ge xəbər verir ki, məlumatı hökumət administrasiyası yayıb.

Onların məlumatına görə, “Tbilisi İpək Yolu Forumu” baş nazir İrakli Qaribaşvilinin himayəsi altında keçirilir. Forumda dünyanın 60 ölkəsindən 2000-ə yaxın nümayəndə iştirak edir.

2015-ci ildə Gürcüstanın baş naziri İrakli Qaribaşvili tərəfindən əsası qoyulan “Tbilisi İpək Yolu Forumu” artıq dördüncü dəfədir ki, Gürcüstanda keçirilir.