3 ay ərzində ən çox Gürcüstan vətəndaşı Almaniyadan qaytarılıb

Son üç ayda (iyul, avqust, sentyabr) readmissiya çərçivəsində 1070 nəfərin Aİ ölkələrindən Gürcüstana qayıtmasına icazə verilib.

InterPress.ge xəbər verir ki, Daxili İşlər Nazirliyinin statistik məlumatlarına görə, qeyd olunan üç ayda readmissiya ilə bağlı ümumilikdə 1074 müraciətə baxılıb, onlardan 1070-nə razılıq verilib, 4-nə isə rədd cavabı verilib.

Qeyd edək ki, Gürcüstana ən çox - 696 vətəndaşın qayıtması ilə bağlı qərar Almaniyada verilib. Sonra Fransa (136), İsveçrə (48); Yunanıstan (33); İspaniya (26); Polşa (30); İtaliya (21); Hollandiya (15); Avstriya (13) gəlir.