Aslan Bjaniya: “ Suxumi hava limanı 2024-cü ildən fəaliyyət göstərəcək“

"Suxumi hava limanından texniki uçuşların başlanması 2024-cü ilin iyul ayından gözlənilir və hava limanının həmin ilin dekabrında istifadəyə verilməsi planlaşdırılır"

InterPress.ge xəbər verir ki,  bu barədə işğal olunmuş Abxaziyanın prezident Aslan Bjaniya mətbuat konfransında bildirib.

Onun sözlərinə görə, Abxaziyanın büdcəsində aeroportun yenidən qurulması üçün dövlət vəsaiti yoxdur, ona görə də hər şey investorun hesabına həyata keçiriləcək.

Rusiyanın “İnterfaks” agentliyinin məlumatına görə, Rusiya Federasiyasının İqtisadi İnkişaf Nazirliyi Suxumi hava limanının yenidən qurulması işlərinin federal büdcədən vəsait cəlb edilmədən iki mərhələdə özəl investor hesabına aparılacağını açıqlayıb.