Bu gündən ölkə üzrə qripə qarşı vaksinasiyaya başlanıldı

Bu gündən ölkə üzrə qripə qarşı vaksinasiyaya başlanılıb.

InterPress.ge xəbər verir ki, bu barədə Səhiyyə Nazirliyi məlumat yayıb.

“Dövlət proqramı çərçivəsində xəstəliyin ağırlaşma riski yüksək olan risk qruplarına qrip virusuna qarşı peyvənd ödənişsiz həyata keçirilir.

Səhiyyə Nazirliyi dövlət immunlaşdırma proqramı çərçivəsində ÜST-nin tövsiyə etdiyi peyvəndlərdən biri olan və qrip zamanı dövriyyəyə çıxması gözlənilən ştamlara uyğunlaşdırılmış “Abbott Biologicals BV” şirkətinin istehsalı olan dördkomponentli peyvəndin 200 min dozasını alıb.

Risk qrupuna daxil olan vətəndaşların peyvənd edilməsi immunizasiya xidməti göstərən müəssisələrdə mümkün olacaq”, - Səhiyyə Nazirliyinin məlumatında deyilir.