Hazırda mövcud olan məlumatlara görə, 123 mindən çox fələstinli Qəzza zolağındakı yaşayış yerini tərk edərək məcburi köçkün vəziyyətinə düşüb.
InterPress.ge xəbər verir ki, bu, BMT-nin bəyanatında qeyd olunub.
Təşkilatın məlumatına görə, 74 minə yaxın insan məktəb binalarına sığınıb.
Xatırladaq ki, “Həmas”ın Qəzzada qəfil hücumuna İsrail hava zərbələri ilə cavab verib. Fələstin səhiyyə rəsmiləri 400-dən çox insanın öldüyünü, 2000-dən çox insanın isə yaralandığını bildirir.
Qəzza zolağı təxminən 2,3 milyon insana ev sahibliyi edir və əhalinin ən sıx məskunlaşdığı ərazilərdən biridir.
