Avqust ayında kommersiya banklarına qarşı 1635 şikayət daxil olub

Bu ilin avqust ayında kommersiya banklarına qarşı 1635 şikayət daxil olub. 2022-ci ilin avqust ayında 1636 şikayət qeydə alınıb.

InterPress.ge xəbər verir ki, Milli Bankın statistikasına əsasən, 2023-cü ilin avqust ayında istehlakçılardan ən çox şikayət cari hesablar və istehlak kreditləri ilə bağlı yazılıb.

Daha dəqiq desək, vətəndaşlar ən çox bu şikayətlərlə bağlı Milli Banka müraciət ediblər:

Cari hesab/debet kartı - 737 müraciət;

istehlak krediti - 282 müraciət;

kredit kartı - 116 müraciət;

internet bank – 66 müraciət;

ipoteka kreditləri - 54 müraciət.

Milli Bankın saytında dərc olunmuş statistikaya əsasən, 2023-cü ilin avqust ayında banklar tərəfindən 1635 şikayətdən 984-nə əsassız, 182-nə əsaslı cavab verilib; 460 müraciətə baxılması hələ də davam edir. 9-da baxış başa çatıb, şikayət əsaslı hesab edilib, lakin problem aradan qaldırılmayıb.

Qeyd edək ki, Milli Bankda müştəri qaynar xətti 2011-ci ildən fəaliyyət göstərir.