Yanacağın qiymətinin artması şəhərlərarası sərnişindaşımaya təsir göstərə bilər

Yanacağın qiymətinin artması xidmət sektoruna kəskin təsir göstərəcək. Faktiki olaraq, tariflərinə yanacaq komponenti daxil olan bütün sahələr, o cümlədən sərnişindaşıma istiqaməti bahalaşır.

InterPress.ge xəbər verir ki, bu barədə "Didube Avtovağzalının" direktoru Nestor Mikatadze məlumat verib

Məlumata görə, dəyişikliyin 10% civarında olacağı gözlənilir.

“Bir qayda olaraq, sərnişin daşıyanlar sürücülər və avtonəqliyyat vasitələrinin sahibləridir. Biz onların müraciətinə əsasən qiymətlərlə bağlı qərar qəbul edirik. Müraciətlə bizimlə əlaqə saxlayırlar, onların müraciətini qeydiyyatdan keçiririk, sonra qiymətləri tənzimləyirik.

İndiki mərhələdə "Didube avtovağzalı"na xidmətlərin bahalaşması ilə bağlı heç bir müraciət daxil olmayıb, bildiyimə görə, müraciət etmək niyyətindədirlər. Yəqin ki, xidmətlərin qiymətində 10% civarında artım olacaq. Lakin qiymətlərin qalxması tələbata mənfi təsir göstərə bilər.

Məsələ payız sessiyasında öz həllini tapacaq, lakin indiki mərhələdə həqiqətən də çətin vəziyyətdir və bir sıra qərarlar qəbul etməyimizə mane olur. Bu məsələlərdən biri tarif dəyişikliyidir, lakin yanacağın qiymətinin artmasına görə başqa həll yolu yoxdur”, - Nestor Mikatadze deyib.

Gürcüstanın yanacaq bazarında benzin və dizelin qiymətində artım tendensiyası müşahidə olunub.