Gürcüstanda sentyabrın 29-dək gözlənilən hava proqnozu açıqlandı
Sentyabrın 27-28-də Gürcüstanda isti və əsasən yağmursuz hava şəraiti gözlənilir. Qərbi Gürcüstanın aran bölgələrində havanın temperaturu +27, +32 dərəcəyədək yüksələcək.
InterPress.ge xəbər verir ki, bu barədə Milli Ətraf Mühit Agentliyi məlumat verib.
Qara dənizin sahilyanı ərazilərində, Kolxeti düzündə və Zemo İmeretidə güclü şərq küləyi əsəcək. Sentyabrın 29-da bəzi yerlərdə yağış yağacağı gözlənilir.
Tbilisidə hava isti və yağmursuz keçəcək. Havanın temperaturu gündüz +25, +27 dərəcə təşkil edəcək.
Kartlidə (Rustavi, Bolnisi, Marneuli, Qardabani, Qori, Sxinvali): sentyabrın 27-28-də havanın isti və yağmursuz keçəcəyi, sentyabrın 29-da bəzi yerlərdə yağış yağacağı gözlənilir. Havanın temperaturunun gün ərzində +22, +27 dərəcə isti olacağı gözlənilir.
Kaxetidə (Saqareco, Telavi, Qurcaani, Siğnaği, Laqodexi, Ğvareli, Axmeta, Dedoplistskaro) hava isti, əsasən yağmursuz keçəcək. Havanın temperaturu gündüz +21, +26 dərəcə təşkil edəcək.
Şərqi Gürcüstanın dağlıq ərazilərində (Axalkalaki, Tsalka, Bakuriani, Qudauri, Omalo): sentyabrın 27-28-də hava şəraitinin yağmursuz keçəcəyi, sentyabrın 29-da bəzi yerlərdə yağış yağacağı gözlənilir. Havanın temperaturu gündüz +15, +20 dərəcə təşkil edəcək.
