Bolnisidə yoldaşını bıçaqlayaraq öldürən şəxsin kimliyi məlum oldu

Bolnisidə arvadını öldürən, övladını yaralayan şəxs İvane Kazeianidir.

InterPress.ge xəbər verir ki, bu barədə Mtavari Arxi məlumat yayıb.

Bildirilib ki, kişi özünə xəsarət yetirdiyi üçün hazırda klinikadadır. Həkimin sözlərinə görə, vəziyyəti ağırdır, qarın boşluğunda və döş qəfəsində yaralar var.

Sakinlər deyiblər ki, qadın xaricə getmək istəyib və ola bilsin, münaqişə bununla bağlı olub.

"Ayrılmamışdılar. Bu oğlan bir müddət öncə Rusiyada idi, sonra gəlib Tbilisidə işləyirdi. Bilirik ki, qadın xaricə getmək üçün hansısa sənədləri düzəltmək istəyirdi, problem var idi. Biz belə bilirik.. xaricə, harasa getmək istəyirdi. Əri razılaşmırdı, necə oldu, bilmirik”, - yerli sakinlərdən biri deyib.