Azərbaycanın Gürcüstana birbaşa investisiyaları artıb

Bu ilin birinci yarısında Azərbaycanın Gürcüstan iqtisadiyyatına birbaşa investisiyaları 45,446 milyon dollar təşkil edib ki, bu da ötən ilin müvafiq dövrü ilə müqayisədə 2,9 dəfə çoxdur.

InterPress.ge xəbər verir ki, Day.Az bu barədə Azərbaycan Mərkəzi Bankına istinadən məlumat yayıb.

Bankın məlumatına görə, builki göstərici ötən ilin müvafiq dövrü ilə müqayisədə 2,9 dəfə və ya 30,167 milyon dollar çoxdur, ötən il Gürcüstana Azərbaycan investisiyalarının həcmi 15,447 milyon dollar təşkil edib.

Bundan başqa, Mərkəzi Bankın məlumatına görə, eyni dövrdə Gürcüstanın Azərbaycan iqtisadiyyatına yatırdığı birbaşa investisiyalar 37,2% azalaraq 8,9 milyon dollar təşkil edib.