Evin zirzəmisində təxminən 1 il əvvəl ölən şəxsin meyiti tapılıb

Tuşetidə, Omalo kəndində meyit tapılıb. 

InterPress.ge xəbər verir ki, hadisə bir neçə gün əvvəl baş verib.

Mərhumun meyitini ev sahibi zirzəmiyə baxış keçirən zaman aşkar edib. Bundan əvvəl evin sahibi xarici ölkədə yaşayıb və 2 ildir ki, Omaloda olmayıb.

Hadisə yerində ekspert kriminalistlər işləyib. Mövcud məlumata görə, meyit kəndirlə tavandan asılıb. Çox güman ki, meyit kişiyə məxsusdur.

Versiyalardan birinə görə, cəsədin xarici turistə məxsus olması mümkündür. Hadisə ilə bağlı Cinayət Məcəlləsinin 115-ci, yəni intihar həddinə çatdırma maddəsi ilə istintaq başlayıb.