Xuloda yaşayış evi yanıb

Xulo bələdiyyəsinin Bako kəndində 8 nəfərlik ailənin evi və tövləsi tamamilə yanıb.

InterPress.ge xəbər verir ki, yerli sakinlərin sözlərinə görə, hadisə nəticəsində xəsarət alan olmayıb.

Zərərçəkmiş ailə təhlükəsiz yerə köçürülüb.

Yerli sakinlər yanğın zamanı evdə azyaşlı uşaqların da olduğunu, lakin onların sağ-salamat çıxarıldığını bildirib.

Hadisə yerinə yanğınsöndürmə xidmətinin qüvvələri səfərbər olunsa da, yanğın məişət avadanlıqlarını tamamilə sıradan çıxarıb.