Qoridə supermarket qarət edilib

Qoridə “ Daily” supermarketi qarət edilib. 

InterPress.ge xəbər verir ki, hadisə bir neçə saat əvvəl baş verib.

Məlumata görə, silahlı şəxs oğurluq məqsədi ilə mağazaya daxil olaraq bir neçə dəfə atəş açıb və kassiri öldürməklə hədələyib. 

Polis hələ də hadisə yerindədir. Daxili İşlər Nazirliyinin məlumatına görə, cinayət törətməkdə şübhəli bilinən gənc oğlan saxlanılaraq Qori polis bölməsinə təhvil verilib.

İstintaqın hansı maddə ilə başlanılıb-başlanılmadığı hələlik məlum deyil.

Mövcud məlumata görə, saxlanılan şəxs supermarketdən bir miqdar pul oğurlayıb.