Sinoptiklər ölkə ərazisində temperaturun aşağı düşəcəyini gözləyirlər

Sinoptiklər Gürcüstanın bütün ərazisində yağışlı hava şəraiti proqnozlaşdırırlar. Şərqi Gürcüstanda bəzi yerlərdə dolu yağacağı gözlənilir. Qərbi Gürcüstanda külək güclənəcək.

InterPress.ge xəbər verir ki, sinoptiklər ölkə ərazisində temperaturun aşağı düşməsini gözləyirlər.

“Günün ikinci yarısından sabah səhərədək Gürcüstanın əksər ərazilərində yağış yağacağı, bəzi yerlərdə güclü şimşək çaxacağı gözlənilir. Qərbi Gürcüstanda havanın temperaturu 28-33 dərəcə, Şərqi Gürcüstanda 26-31 dərəcə isti təşkil edəcək. Günün ikinci yarısında Tbilisidə də qısamüddətli yağış yağacağını gözləyirik. Sentyabrın 5-dən günəşli olacaq, temperatur yüksələcək”, - deyə sinoptik Tamar Quledani bildirib.