Təl-Əvivdə baş verən qarşıdurmalar zamanı 160-a yaxın insan yaralanıb

Təl-Əvivdə Eritreya hökuməti diktaturasının tərəfdarları, əleyhdarları və polis arasında toqquşmalar baş verib, nəticədə 160-a yaxın insan yaralanıb.

InterPress.ge xəbər verir ki, bu barədə “Times of Israel” məlumat yayıb.

Nəşrin məlumatına görə, əvvəlcə polislə Eritreya rejiminin əleyhdarları arasında toqquşmalar Eritreya hökumətinin təşkil etdiyi tədbirin keçirildiyi yerdə baş verib.

“Etirazçılar kordonu yarıb dağılmağa başlayıblar, bundan sonra polis işıq və səs qumbaralarından istifadə edib. Daha sonra polis aksiya iştirakçılarına atəş açıb, çünki asayiş keşikçilərinin həyatı üçün real təhlükə yaranıb”, - məlumatda deyilir.

Son məlumatlara görə, 30-u polis olmaqla, 160-a yaxın insan yaralanıb, 15 nəfərin vəziyyəti ağırdır.