Bu gün Gürcüstanın əksər bölgələrində yağışlı hava şəraiti gözlənilir

Avqustun 28 də Gürcüstanın əksər rayonlarında yağış yağacağı, bəzi yerlərdə intensiv olacağı, şimşək çaxacağı, dolu düşəcəyi və külək əsəcəyi gözlənilir.

lnterPress.ge xəbər verir ki, bu barədə amindi.ge saytı məlumat dərc edib.

Paytaxta gəlincə, bu gün Tbilisidə havanın buludlu olacağı, sabah isə yağış yağacağı gözlənilir.

Qeyd edək ki, gözlənilən güclü yağışlar Gürcüstan çaylarında suyun səviyyəsinin əhəmiyyətli dərəcədə artmasına, kiçik çaylarda daşqınlara, ölkənin dağlıq ərazilərində sürüşmə-daşqın proseslərinin aktivləşməsinə səbəb ola bilər.