Sinoptiklər hava şəraiti ilə bağlı əhaliyə xəbərdarlıq edir

Avqustun 21-i və 22-si günün ikinci yarısından başlayaraq Gürcüstan ərazisində, əsasən dağlıq və yüksək dağlıq ərazilərdə qısamüddətli yağış yağacağı, bəzi yerlərdə intensiv olacağı, şimşək çaxacağı, dolu düşəcəyi, külək əsəcəyi gözlənilir. 

InterPress.ge xəbər verir ki, bu barədə Milli Ətraf Mühit Agentliyi bildirib.

Onların proqnozuna görə, gözlənilən güclü yağışlar Gürcüstan çaylarında suyun səviyyəsinin əhəmiyyətli dərəcədə artmasına, kiçik çaylarda daşqınlara, dağlıq ərazilərdə sürüşmə-daşqın proseslərinin başlamasına və aktivləşməsinə səbəb ola bilər.