Batumidə dənizdə skuterin vurduğu gənc ölüb

Batumidə skuterin dənizdə vurması nəticəsində xəsarət alan 25 yaşlı gənc klinikada dünyasını dəyişib.

InterPress.ge xəbər verir ki, həkimlərin sözlərinə görə, gəncin kəllə-beyin travması ciddi olub.

Faktla bağlı Gürcüstan Daxili İşlər Nazirliyi “Cinayət Məcəlləsi”nin 275-ci maddəsi ilə araşdırmalara başlayıb.

Mövcud məlumata görə, 25 yaşlı oğlan dostu ilə birlikdə skuterlə dənizə girib. Gənc oğlan dənizdə çimərkən dostunun idarə etdiyi skuter ona çırpılıb və nəticədə gənc ciddi xəsarətlər alıb.