İtaliyada zibil qabının yanına atılan körpə klinikaya aparılıb - uşağın valideynlərinin Gürcüstan vətəndaşı olduğu üzə çıxıb

İtaliyada zibil qabının yanında it tərəfindən tapılan yeni doğulmuş körpə sağlamdır və Taranto şəhərindəki klinikalardan birində müayinə olunur. 

InterPress.ge xəbər verir ki, məlumata görə, 
uşağın valideynləri Gürcüstan vətəndaşlarıdır. 

Bildirilib ki, 23 yaşlı qadın müvəqqəti yaşadığı evdə uşaq dünyaya gətirib və doğuşdan bir neçə saat sonra körpəni küçəyə atıb. Uşaqla birlikdə çantada oyuncaqlar da olub.

Faktın çoxlu şahidləri var. Yerli sakinlər deyirlər ki, it zibil qutusuna doğru qaçaraq karton qutunun yanında dayanıb, bundan sonra sahibi qutuda yeni doğulmuş körpə görüb.

Hazırda yeni doğulan körpənin anası da klinikadadır. 23 yaşlı qadın hələ uşağı görməyib. O, özünü zəif hiss edir və həkimlərin dediyinə görə, orientasiyası pozulub. 
Artıq faktla bağlı araşdırmalara başlanılıb.

Gürcü cütlüyü polis ətrafdakı kameraları deşifrə etdikdən sonra tanıyıb. Müayinədən və valideynlərin şəxsiyyəti müəyyən edildikdən sonra məlum olub ki, yeni doğulan körpənin anasının təcili tibbi yardıma ehtiyacı var. Artıq məsələ ilə bağlı Gürcüstanın İtaliyadakı səfirliyinə məlumat verilib.