Şovidə təbii fəlakət nəticəsində ölənlərin sayı 20-yə çatıb

Bu səhər yenilənmiş məlumata görə, Şovidəki təbii fəlakət zonasında daha bir cəsəd tapılıb və ölənlərin sayı 20-yə çatıb. 

InterPress.ge xəbər verir ki,  bu barədə Parlamentin sədri Şalva Papuaşvili “Gürcü arzusu” partiyasının ofisində keçirilən brifinqdə bildirib.

“Son məlumatlara görə, təbii fəlakət nəticəsində 33 nəfər itkin düşüb, onlardan bu gün səhər saatlarında yenilənmiş məlumatlara əsasən, 20 nəfərin meyiti tapılıb. Belə bir kritik anda həmrəylik və dəstək çox vacibdir. Buna görə də, ilk növbədə, Qloli kəndinin sakinlərinə xüsusi təşəkkürümü bildirmək istəyirəm”, - deyə Papuaşvili bildirib.