Xaviyer Kolomina Şovidə baş vermiş təbii fəlakətlə bağlı kədərini ifadə edib

NATO baş katibinin Cənubi Qafqaz və Mərkəzi Asiya üzrə xüsusi nümayəndəsi Xaviyer Kolomina Şovidə avqustun 3-də baş vermiş təbii fəlakətlə bağlı kədərini ifadə edib.

InterPress.ge xəbər verir ki, o, bu barədə sosial şəbəkədə yazıb.

 “Şovidə baş verən faciəli sürüşmə məni çox kədərləndirdi. NATO gürcü tərəfdaşlarımıza dərin hüznlə başsağlığı verir. Fikirlərimiz qurbanlar və onların yaxınları ilədir”, - Xaviyer Kolomina yazıb.

Hazırda mövcud olan rəsmi məlumata görə, Şovidə təbii fəlakət nəticəsində 18 nəfər ölüb.