Kaxetidə təbii fəlakət tüğyan edir - Damlar uçub, ağaclar yerindən çıxıb

Güclü külək və yağış nəticəsində Qurcaanidə evlər damsız qalıb.

InterPress.ge xəbər verir ki, yerli sakinlərin sözlərinə görə, ən çətin vəziyyət 9 aprel küçəsindədir.

"Dəhşətli külək, yağış və səs-küy var idi, belə bir şey xatırlamıram. Mənzilin dam örtüyü tam çıxıb, qırılan ağaclar elektrik stansiyasının üstünə düşüb. Çox dözülməz vəziyyətdir", - yerli sakinlərdən biri deyib.

Qurcaani Bələdiyyəsinin Meriyası təsdiq edir ki, təbii fəlakət nəticəsində Qurcaani şəhərində və yaxınlıqdakı iki kənddə xüsusilə ağır vəziyyət yaranıb.

Hazırda aidiyyəti xidmətlər qəzalı evləri qeydə alır.