Torpaq sürüşməsi olan bölgədə yerli əhali xilasediciləri gözləyir

Raçada torpaq altında qalan insanlar xilasediciləri gözləyir.

InterPress.ge xəbər verir ki, yerli əhalinin  verdiyi məlumata görə, onların arasında uşaqlarda var.

" Torpaq sürüşməsi baş verib, xilasediciləri gözləyirik, bir dəqiqə də gəlməsələr, hamımız öləcəyik. Burada çoxlu uşaq və  qoca da var. Bizi mühasirəyə alınmış vəziyyətdəyik, çıxış yolumuz yoxdur. İki metrlik palçıq var, xilasedicilər vaxtında gəlməsə, hamımız bu palçıqda boğulacağıq. Başqa yerdə nə baş verdiyini bilmirəm”, - yerli sakinlərdən biri bildirib.

Xatırladaq ki, bir az əvvəl Raçada  torpaq sürüşməsi baş verib. Əldə olan məlumata görə, sürüşmə nəticəsində 16 nəfər torpağın altında qalıb.