Zuqdididə fındıq zavodunda yanğın baş verib

Zuqdidi şəhərinin Dqebuadze küçəsində yerləşən fındıq zavodunda yanğın baş verib.

InterPress.ge xəbər verir ki, hadisə yerinə 4 yanğınsöndürmə briqadası səfərbər olunub.

Məlumata görə, hazırda yanğın söndürülüb.

 Hadisə nəticəsində xəsarət alan olmayıb.

 Yerli sakinlərin sözlərinə görə, binanın bir hissəsi yanıb. Yanğının səbəbi məlum deyil. Versiyalardan biri nasaz elektrik naqilləridir. Dəymiş ziyanın məbləği hələlik məlum deyil. Polis hadisə yerinə səfərbər edilib.