Gürcüstanın dövlət sərhədini qanunsuz keçməyə çalışan 2 nəfər İran İslam Respublikası vətəndaşı saxlanıldı

Daxili İşlər Nazirliyinin Sərhəd Polisi əməkdaşları 2 nəfər İran İslam Respublikası vətəndaşı – 1978-ci il təvəllüdlü B.R və 1987-ci il təvəllüdlü A.R.-ni qrup halında Gürcüstanın dövlət sərhədini qanunsuz keçməyə cəhd faktı ilə bağlı saxlayıblar.

InterPress.ge xəbər verir ki, bu barədə Gürcüstan Sərhəd Polisi məlumat yayıb.

Cinayət 5 ilə qədər azadlıqdan məhrumetmə ilə cəzalandırılır.

İstintaq müəyyən edib ki, təqsirləndirilən şəxslər sərhəd-keçid məntəqəsindən yan keçərək qrup halında Gürcüstandan Türkiyə Respublikası istiqamətində Gürcüstanın dövlət sərhədini qanunsuz keçməyə cəhd ediblər.

İstintaq Gürcüstan Cinayət Məcəlləsinin 19-344-cü maddəsinin ikinci hissəsinin “A” bəndi ilə aparılır.