ABŞ səfirliyi “Tbilisi Pride” ətrafında baş verənlərlə bağlı bəyanat yayıb
ABŞ səfirliyi bu gün “Tbilisi Pride” ətrafında baş verənlərə münasibət bildirib.
InterPress.ge xəbər verir ki, ABŞ səfirliyi “Tbilisi Pride” ətrafında baş verənlərlə bağlı bəyanat yayıb.
“Bu gün Tbilisi Pride planlaşdırılan qapalı tədbiri ləğv etmək məcburiyyətində qaldı, çünki itaətsiz izdiham, zorakılıqla hədələyərək iştirakçıları konstitusiya ilə qorunan dinc toplaşmaq hüququndan məhrum etdi. Gürcüstan hökuməti Gürcüstanın bütün vətəndaşlarının əsas hüquqlarını qorumağa borcludur. Zorakılıq, hədə-qorxu və ya fərqli fikirləri susdurmaq hədəsi qeyri-demokratikdir və Gürcüstanın tolerantlıq, mərhəmət və plüralizm tarixinə ziddir. Biz hakimiyyəti qanunu pozanların hamısını məsuliyyətə cəlb etməyə və zorakılığın yolverilməz olduğunu açıq şəkildə göstərməyə çağırırıq”, - səfirliyin yaydığı bəyanatda deyilir.
