Ukraynada daha iki gürcü döyüşçüsü öldürülüb

Daha iki gürcü döyüşçü - Malxaz Kvijinadze və Coni Odişvili Ukraynada həlak olub.

InterPress.ge xəbər verir ki, bu barədə məlumat Xarici İşlər Nazirliyində təsdiqlənib.

Məlumata görə, Gürcüstan vətəndaşlarının ölümü ilə bağlı Gürcüstanın Ukraynadakı səfirliyinə məlumat verilib.

XİN bildirib ki, bütün müvafiq prosedurlar həyata keçiriləcək.

2022-ci il fevralın 24-də Rusiyanın genişmiqyaslı işğalından sonra Ukraynada 46 gürcü döyüşçüsü öldürülüb.